Pompelstatiounen
Pompelstatiounen hiewen d’Ofwaasser op e méi héijen Niveau, fir datt et och a flaachem oder schwéier zougänglechem Terrain weider oflafe kann.
Pompelstatiounen si noutwenneg, wann dat natierlecht Gefäll net duer geet, fir d’Ofwaasser bis an d’Kläranlag ze transportéieren. Si erlaben et, Ënnerscheeder am Niveau ze iwwerwannen an topographesch Hindernisser ze passéieren. Sou garantéieren si e kontinuéierleche Flux an e séchere Fonctionnement vun der Kläranlag.
Modern Pompelstatioune si meeschtens automatiséiert a kontrolléiere gläichzäiteg de Waasserniveau an Debit. Nieft de Kläranlagen zielen si zu de gréisste Stroumverbraucher am kommunale Beräich vum Assainissement a droen domat wesentlech zum Gesamtenergieverbrauch bäi
Eng falsch Entsuergung vun Offäll – wéi zum Beispill Lingetten, déi an d’Toilette geheit ginn – ka Pompele verstoppen. Dat verursaacht opwänneg an deier Reparaturen a Stéierungen am Betrib.
Entdeckt aner Ariichtungen
Kanalisatioun
D’Kanalisatioun leet d’Ofwaasser of. Dat ëmfaasst d’Ofwaasser aus Stéit a Betriber souwéi d’Reewaasser vu versigelte Flächen.
Entlaaschtungsbauwierker
D’Entlaaschtungsbauwierker am Mëschsystem féieren bei staarkem Reen iwwerschëssegt, staark verdënnt Ofwaasser kontrolléiert an d’Baach of. Dat entlaascht de Kanalisatiounsreseau a schützt d’Kläranlag.
Retentiounen
Retentiounsbasengen am Trennystem späicheren iwwerschëssegt Reewaasser temporär a reguléieren den Oflaf an de Floss oder an de Reewaasserreseau.
Kläranlagen
Kläranlage behandelen d’Ofwaasser mat mechaneschen, biologeschen a chemesche Verfaren, éier et an e Floss zeréck geleet gëtt.
Schlammbehandlung
An der Klärschlammbehandlung gëtt de Schlamm aus der Kläranlag stabiliséiert, entwässert a valoriséiert.
Véiert Stuf
Déi véiert Behandlungsstuf suergt fir eng zousätzlech Opbereedung vum gerengegte Waasser a mécht et méiglech, Mikroschadstoffer, Keimer oder aner schiedlech Substanze weider ze reduzéieren.
Laboratoiren
Analytesch Laboratoiren iwwerwaachen d’Qualitéit vum Waasser an dem Schlamm bei all Etapp vum Prozess vun der Behandlung.