Laboratoiren
Analytesch Laboratoiren iwwerwaachen d’Qualitéit vum Waasser an dem Schlamm bei all Etapp vum Prozess vun der Behandlung.
An de Laboratoirë vun de Kläranlage gëtt d’Qualitéit vum Waasser an de Schlamm reegelméisseg kontrolléiert, ergänzend zu de verschiddenen Iwwerwaachungen an Echtzäit.
D’Analysën erfaasse chemesch, biologesch a physikalesch Parameteren, wéi zum Beispill de Gehalt un organesche Substanzen, d’Zesummesetzung vum Schlamm oder d’Konzentratioune vun Närstoffer. Och Mikroschadstoffer oder mikrobiologesch Kontaminatioune kënnen nogewise ginn.
D’Resultater déngen dozou, d’Rengegungsprozesser ze iwwerwaachen, bei Bedarf unzepassen an déi gesetzlech Ufuerderungen anzehalen. Domat droen d’Laboratoiren entscheedend zur Effikassitéit an zur Sécherheet vun der Ofwaasserbehandlung bäi.
Entdeckt aner Ariichtungen
Kanalisatioun
D’Kanalisatioun leet d’Ofwaasser of. Dat ëmfaasst d’Ofwaasser aus Stéit a Betriber souwéi d’Reewaasser vu versigelte Flächen.
Entlaaschtungsbauwierker
D’Entlaaschtungsbauwierker am Mëschsystem féieren bei staarkem Reen iwwerschëssegt, staark verdënnt Ofwaasser kontrolléiert an d’Baach of. Dat entlaascht de Kanalisatiounsreseau a schützt d’Kläranlag.
Pompelstatiounen
Pompelstatiounen hiewen d’Ofwaasser op e méi héijen Niveau, fir datt et och a flaachem oder schwéier zougänglechem Terrain weider oflafe kann.
Retentiounen
Retentiounsbasengen am Trennystem späicheren iwwerschëssegt Reewaasser temporär a reguléieren den Oflaf an de Floss oder an de Reewaasserreseau.
Kläranlagen
Kläranlage behandelen d’Ofwaasser mat mechaneschen, biologeschen a chemesche Verfaren, éier et an e Floss zeréck geleet gëtt.
Schlammbehandlung
An der Klärschlammbehandlung gëtt de Schlamm aus der Kläranlag stabiliséiert, entwässert a valoriséiert.
Véiert Stuf
Déi véiert Behandlungsstuf suergt fir eng zousätzlech Opbereedung vum gerengegte Waasser a mécht et méiglech, Mikroschadstoffer, Keimer oder aner schiedlech Substanze weider ze reduzéieren.